"Gising na ba siya?"
"Hindi pa, uncle. Kapag hindi pa rin siya gumising sa loob ng dalawang oras ay kailangan na natin siyang dalhin sa ospital."
"Alam ni Hazel ang lugar na 'to kaya't kailangan nating makaalis sa lalong madaling panahon."
"She's pregnant. We can't take her anywhere without ensuring she and the baby are fine."
Gusto na namang masindak ni Einna nang marinig ang pag-uusap ng dalawang lalaki. Kaagad bumalik sa alaala niya ang lahat ng nangyari sa club. Napunong muli ng takot ang buo niyang pagkatao.
Kilala niya kung sino ang unang nagsalita. Kung paano siya nauwi sa mga kamay nito ay hindi niya alam. Bago siya mawalan ng malay ay hindi naman niya ito nakita. Ayon sa masasamang lalaking iyon kagabi ay Hazel ang pangalan ng may pakana ng pagdukot sa kanya.
"I hope she'll
