"Mukhang mahihirapan kang iuwi si Ivan ngayon, Ivy. Aba'y tuwang-tuwa sa mga laruang koleksyon ng Daddy niya," wika ni Raji nang tumanggi pang umuwi ang anak niya. Bukod sa mga laruan ng Wael na naka-display sa estante na ngayon ay nakakalat na sa carpet, nag-e-enjoy din talaga ito sa maraming kalaro.
Kaya sa halip na kanina pa sila nakaalis, napilitan siyang maki-join sa inuman session ng mga ito para pagbigyan ang anak na maglaro pa.
"Dito na lang muna kayo matulog, napakarami namang bakanteng silid," suhestyon naman ni Gia.
"Sa ibang araw na lang kami mamamasyal nang matagal, Gia. Sigurado namang hindi ito ang huli naming pamamasalyal dito," sagot niya. "Maaga rin kasi ang lakad naming mag-ina bukas."
"May lakad kayo ni Ivan?" tanong ni Wael.
"Yup. Bukas kasi ang dating
