Pauwi na si Ivy nang may dumating na bulaklak sa opisina niya. Ngayon ay nakalagay na mismo ang pangalan ni Wael. Kanina lang ay nasa meeting sila dahil ipinasa niya ang mga designs para sa approval nito. Pagkatapos ay umalis din ito dahil mag-iikot daw ito sa mga branches ng Sweet Tiffany. Hindi na siya sumama dahil naalala niyang nangako siya sa anak na uuwi siya nang maaga.
Tumunog din ang telepono niya pagkaalis ng delivery man. Siguradong naka-timbre kay Wael ang pagdating ng bulaklak sa opisina niya.
"Hmmm... Bakit ka napatawag?"
"Do you like the flowers?"
"At bakit may pa-bulaklak ka pang nalalaman, Wael? Hindi ba't nag-usap na tayo na hindi ako kasama sa pagtutuunan mo ng atensyon? Si Ivan lang ang pinag-usapan natin na babawi ka sa mga pagkukulang mo sa anak mo."
"Hi
