"What's your favorite food, baby?" tanong ni Wael sa anak. Tahimik lang si Ivy na pinagmamasdan ang mag-ama. Gusto niyang bigyan ng pagkakataon ang dalawa na mag-bonding dahil ito ang unang pagkikita ng mga ito.
At hindi pa rin talaga nawawala ang inis niya kay Wael sa pagpipilit nito ngayon na talikuran niya ang pagpapakasal kay Harry. Kahit noon wala talagang konsiderasyon ang lalaking ito sa nararamdaman niya. Puro na lang sarili nito ang iniisip.
"I want fried chicken and catsup!" nakangiting sagot ng anak.
"Pareho pala kami ng anak ko ng paborito," wika ni Wael sa kanya na ngumiti. Hindi siya ngumiti pabalik. Tinawag nito ang waiter saka um-order ng pagkain. Hindi na siya tinanong kung ano ang gusto niya.
"Wine?" tanong nito.
"Oh, please... No. Just a bottled water,
