Masayang kausap si Harry kung ang pag-uusapan ay negosyo. Marunong din itong makibagay sa mga taong nasa paligid nito. Kanina pa pinagmamasdan ni Wael ang kasintahan ni Ivy. Gusto niyang makita kung ano ang nagustuhan ng dalaga dito at kung ano ang maaari niyang ilamang.
Magandang lalaki si Harry, hindi maitatanggi 'yun. Mayaman din dahil marami itong negosyo sa Los Angeles. At ngayon ay lalong naninibugho ang dibdib niya dahil wala siyang maipintas dito. Kung may isa lang siyang lamang, iyon ay ang pagmamahal niya kay Ivan na walang katumbas. Si Harry ay walang interes sa anak niya.
"So, what happened between you and my girlfriend then?" tanong nito sa nakaraan nila ni Ivy. Nasa bar counter sila na parehong tumatagay ng whiskey. Ang mga kaibigan niya ay nasa kabilang table h
