Aila
INAYOS ko ang aking sarili at naglakad pabalik sa labas kung saan ako nanggaling kanina.
Hindi ko alam kung ano ang aking mararamdaman dahil sa ginawa ni Calter. Ngayon na lang kami nagkita, pero ganito lang ang mangyayari?
Teka, may iba pa ba na dapat mangyari bukod do'n? F*ck!
Bahagya kong ipinilig ang aking ulo upang matigil sa 'king mga naiisip. Huminga ako nang malalim, saka muling iginala ang aking mga mata sa paligid.
Tipid akong napangiti, nang hindi nagtagal ay makita ko ang taong tila kanina pa hinahanap ng aking mga mata. Nakaupo ito sa isang round table 'di kalayuan sa stage na una kong natanaw pagpasok dito.
Bago maglakad ay inayos kong muli ang aking sarili. Pahakbang na sana ako papalapit sa dako kung saan naro'n si Ate Irieth, nang bigla akong matigilan dahil s
