3rd person's POV
MATAGAL pinagmasdan ni Aila si Deyan habang patuloy itong nakikipagkwentuhan sa table kung saan niya ito unang natanaw.
Hindi niya alam kung bakit, pero iba ang kanyang pakiramdam at kutob nang makita niya ito. Gustuhin man niyang tanggalin ang tila napako nitong mga mata roon ay hindi niya magawa. Para bang mayroon itong hinihintay na hindi niya maipaliwanag kung ano. Ang alam lamang niya ay ang pagtataka na lumulukob sa kanyang pagkatao.
"Hi Ma'am, drinks po?"
Sandali itong natigilan nang marinig ang nagsalitang iyon mula sa kanyang gilid. Panandaliang nawala ang kanyang atensyon kay Deyan, saka tumingin sa lalaking kumakausap sa kanya.
"No, thanks," tugon niya.
Ngumiti ito sa lalaking mayroong hawak-hawak na tray. Hanggang sa magpaalam ito at umalis sa kanyang h
