LIHIM na nanubig ang mga mata ko habang pinagmamasdan ang anak na nanlulumbay at walang bukang-bibig kun'di ang totoong ama nito.
Hindi ko talaga akalaing ganoon ito magiging kalapit sa dating asawa ko kahit hindi nito alam na si Bradley talaga ang totoong ama nito. Paano pa kung malaman nito ang buong katotohanan?
"Mommy, bakit hindi na pumupunta rito si Dadaa? Nangako siya sa akin na babalik siya, bakit 'di pa rin siya bumabalik? Siguro, ayaw niya sa akin?"
Kitang-kita ko ang lungkot sa mga mata nito. Para nga itong maiiyak at kandahaba ang nguso nito at nangingislap ang inosente at maamong mga mata nito.
Pakiramdam ko, para akong sinasakal ng mga oras na iyon. Tatlong araw na rin ang lumipas, noong pumunta ang dati kong asawa. At mukhang tinotohanan nitong 'di na magpakita sa ana
