BIGLA akong napangiti nang makita ang dalawang nagkakatuwaan sa malawak na sala. Talagang maagang nagising ang anak ko para lang makalaro ang ama-amahan nitong si Jarold.
Kung minsan, hindi ko maiwasang mabahala na baka dumating ang araw na hilingin ng anak ko na dito na matulog ang kinikilala nitong ama.
Lihim akong nagpakawala ng buntonghininga. Hindi ko maiwasang mabalisa lalo na't kagabi naging laman ng isipan ko ang sinabi ng dati kong asawa.
Sa mga sinabi nito, para bang kami ang tinutukoy nito? Napapaisip din ako kung may kinalaman ba ang aking ama kung kaya 'di nagpakita ang dati kong asawa sa loob ng limang taon? Iyon kasi ang binanggit nito sa interview?
At talagang kung makapagsalita ito akala mo e ganoon-ganoon niya lang kami makukuha ng anak ko? Baliw ba siya? Ano man an
