Kapapasok ko pa lang ng UFMC ng madatnan kong may kausap si Austin malapit sa bulletin board. Nang makilala kung sino ang kausap niya ay hindi maiwasang mag salubong ng aking kilay dahil ang kausap niya ay isa lang naman sa miyembro ng McYummy fans club - UFMC chapter.
"Ano kayang pinag uusapan nila?" Mahinang tanong ko sa sarili.
Nang lumingon siya sa direksyon ko ay akmang babatiin ko na sana siya ng umiwas siya ng tingin at itinuon muli ang mga mata sa babaeng kaharap niya. Kung kanina ay magka salubong lamang ang aking kilay, ngayon ay nalukot na ng tuluyan ang mukha ko kung kaya't dirediretso nalamang ako sa elevator matapos makapag time in.
"Ganiyan ba ang manliligaw?"
"Hindi."
"Diba? Tapos ngiting ngiti pa ang mokong. Argh, kairita!"
Napapadiyak pa ako sa sahig ng elevator
