Kalma Candice. Halos nagiging mantra ko na ito simula pa kanina bago pumasok ng UFMC dahil ngayong araw ang first day ko at ng mga kagrupo ko rito sa operating room kung saan ang first assigned area namin. Pagkatapos ng lectures at return demos ay simula na ng actual na trabaho kung saan hinati ang buong klase sa mga grupo. Ang iba ay nasa emergency room assigned, ang iba naman ay sa recovery room, meron din sa mga wards, nursery, etc.
"Kinakabahan ka rin?"
Matapos kong maisara ang locker ko ay hinarap ko si Matilda na katatapos lang mag tali ng buhok. Mabuti nalang at naging mag kagrupo kami ni Matilda dahil hindi naman ako pinapansin ni Badette at ng dalawa pa niyang kaibigan na kagrupo rin namin.
"Oo eh. Hehe!"
"Buti pa si Badette, parang ready ng sumabak ng giyera. Kung sabagay,
