"Kumusta ang trabaho mo sa restaurant na iyon?" usisa ni Andrew kay Sheena. Pagkatapos nilang dalawin ang puntod ni Patricia, dumaan sila sa isang restaurant upang doon na mananghalian. Iniwan nila si Aiden sa bahay at ibinilin kay Manang Minda.
"Okay naman," tugon ni Sheena. "Sa awa naman ng Diyos, nabubuhay ko nang maayos si Aiden."
"Wala ka bang balak na maghanap ng mas magandang trabaho? I mean maayos naman ang trabaho mo, pero may iba ka pang pwedeng mapasukan na mas malaki ang sahod. Malapit nang mag-aral si Aiden, kakailanganin mo ng trabahong mas makakatulong sa inyong mag-ina," wika ni Andrew.
"Madali lang naman ang buhay sa isla. Sapat na sa akin ang kinikita ko. Magki-kinder pa lang naman si Aiden sa susunod na taon. Wala pa akong masyadong alalahanin," tugon ni Sheena.
Tumi
