Limang taon ding hindi tumungtong si Sheena sa lungsod na kaniyang sinubukang takasan. Hindi niya alam kung pagsisisihan ba niya ang desisyong sumama kay Andrew, pero hindi na siya pwedeng umatras.
Napatingin siya kay Aiden nang yugyugin nito ang kaniyang braso. "Bakit, anak?" usisa niya rito.
"Ang dami-dami pong car, Nanay," wika ni Aiden na halata sa mga mata ang pagkamangha sa mga nakikita. "At ang tataas po ng mga building. Ano po ang laman ng mga building na iyon, Nanay?" wika pa nito sabay turo sa mga nakikita.
Napangiti si Andrew habang pinagmamasdan ang dalawa sa rearview mirror ng kaniyang kotse. "Iba't iba ang laman ng bawat building, Aiden. Iyong iba may mga palaruan para sa mga bata," aniya.
"Talaga po?" nagniningning ang mga matang bulalas ni Aiden. "Pwede po ba tayong pu
