Alas nueve na nang ginising kami ni Gino para umpusahan ang wedding preparations. Kahit na medyo inaantok pa e wala kaming nagawa ni Sheena kung 'di ang bumangon na at maghanda.
Kahit na nakaligo na at nakapagbihis na ako ay hindi pa rin naaalis ang antok ko. Siguro dahil napuyat ako kagabi kakaisip sa pinag-usapan namin ng fiancée ni Gino.
"Uy, Maja, nakapagbihis ka na pala e. Sumakay ka na sa van," bungad ni Keith na kakaakyat lang din sa gilid ng highway. Bababa ka pa kasi ng batong hagdanan papunta sa bahay ng mga Figueroa dahil medyo mababa 'yon lalo na at nasa tabi 'yon ng dalampasigan.
"Ayoko muna, gusto ko munang mag-unat-unat."
Habang iniuunat ko ang mga braso at binti ko ay dumating si Gino ang fiancée niya. Biglang nawala ang antok ko na mabilis na napalitan ng selos dahil n
