CHAPTER 19
Pagsisisi
"N-NEDY....'' Pumiyok ang kanyang tinig. Ang luha ay nag-unahang maglandas sa magkabilang pisngi.
Hindi niya malaman kung paano iiwas, kung saan itatago ang sarili. Nanlalambot ang kanyang katawan. Mistulang nawalan ng butong nagbibigay tibay. Padausdos siyang napaupo sa lapag. Panay ang urong gayong nakasandal na ang likod sa matigas na pader.
Hindi na niya kaya, suko na siya. Ang katotohanang sinasabi ng matandang lalaki ay pakakawalan na niya. O, mas tamang sabihing, pakakawalan na niya ang sarili sa bilangguang siya rin ang gumawa. Hindi na siya tatakas. Hirap na hirap na siya sa pagpapanggap. Nabubulok na ang kunsensiya niyang nagnanaknak. Aalisin na niya ang takip sa budhing anumang hugas ang gawin ang mantsa'y nakadikit pa rin.
Oo, alam niya nga ang tot
