Pagpuslit ni Sheryl
"ATE!'' Nag-aalalang tawag ni Sol pagkakita sa amo na sakay ng traysikel. Inaalalayan itong makababa ng isang babae. Nagmamadali niyang binuksan ang gate at maagap na hinawakan ang amo.
"Namumutla siyang napahawak sa akin kanina, nahihilo yata kaya inihatid na namin ng asawa ko pauwi.'' Paliwanag ng babae. Bitbit nito ang basket na may lamang mga prutas. Siya ang inutusang bumili no'n sa supermarket kaya alam niyang dadalhin iyon ng amo sa lola ni Nedy.
"Inaway na naman ba siya ni Aling Azon at ipinagtabuyan?'' masama ang loob niyang tanong.
"Ay naku, hindi. Wala na si Mam nang dumating siya. Nasa Batangas na at doon na titira,'' sagot ng kausap.
"Gano'n ba?'' aniya, ang pagdaramdam sa inaakala ay napawi agad. ''Teka lang ha, paki antay lang at kukuha ako ng pam
