Ang nakita ni Mrs. Deato
"HUWAG na po kayong masyadong mag-alala, Misis. Maliban sa ilang gasgas sa tuhod at siko ay wala namang nalinsad, o anumang fracture sa buto ng inyong anak. Pero hindi po maiiwasan na manakit ang muscles niya dahil sa nangyari. Asahan niyo na rin po ang pagkakaroon ng ilang pasa sa bahagi ng katawan niyang tumama sa sahig lalo na sa kanyang pisngi. Maswerteng hindi nabagok ang kanyang ulo. Alin lang sa dalawa, nakakapit pa siya bago bumagsak, o kaya'y nasalo ng malambot na bagay kaya hindi nabukulan nang sumubsob. Wala ring problema sa CT SCAN niya. Okey po lahat ng resulta." Nakangiting sabi ng Doktora nang palapitin siya sa mesa nito at ipakita ang mga resulta.
''B-bakit kaya siya nawalan ng malay at nang magkamalay naman e nangangatog?''
''I cannot give you
