Sanib
NAIGTAD ang katawan ni Sol nang sa pag-angat ng tingin ay makasalubong ang mga mata ni Sheryl. Muntik na siyang mabilaukan ng sariling laway nang makita itong ngumiti. Kabaligtaran ng inaasahan niya ang nangyari. Imbis na matalim na tingin at nakangiwing mga labi, matamis na ngiting may kalangkap na pasasalamat ang ipinukol nito sa kanya. Uri ng ngiting no'n pa lang niya nakita!
Sa loob ng mahabang panahong nakasama ang dalagita, iyon pa lamang ang kauna-unahang ngiti na tinanggap niya mula rito. Tingin pa nga niya at nagpapasalamat ito sa kanya. Bagay na ni minsan ay hindi nito ginawa at kung sinalita man ay paimbabaw lamang o kaya'y painsulto dahil sa kanyang katangahan. Kaya para sa kanya, isang himala ang nasasaksihan.
"Bumait na nga yata ang batang ire. Preys da Lord!'' n
