Napatingin ako sa karwahe na nakahanda na para sa pagpapatuloy ng aming paglalakbay. Napakabilis ng oras ay kailangan na namin umalis ng Cadmia para makarating sa susunod na bayan, ang Amethia, bago magsumapit ang gabi.
"Hindi ba kayo maaaring magtagal pa?" Nagtatampong tanong ni Proserphine dahil papaalis na rin kami ngayong araw lalo na nakuha na namin ang impormasyon na nais namin makalap. "Kakarating niyo pa lamang. Dito na kayo sa aming bayan magpalipas ng gabi."
Mabuti na lang ay bumalik sa dati nilang akto sina Proserphine pagkatapos malaman ang aking sikreto. Mismo sina Blake na rin ang nagpaliwanag sa kanila ng dahilan kung bakit ako nasa labas ng palasyo ngayon. At binalaan rin nila sila na huwag ipagsabi ang natuklasan o kilala nila ako ng personal.
Nginitian ko siya at marah
