Tahimik lang ako sa aking kinauupuan habang nakalumbaba na nakatanaw sa labas ng karwahe. Mula nang umalis kami ng Rubina ay hindi ko magawang lingunin si Dervis na siyang aking katabi.
Alam ko masamang maghinala ng masama sa ibang tao pero napakalaking pagkakataon naman yata ang pagkakatulad niya kay Mr. X.
"Prinsesa." Nag-aalalang pagtawag sa akin ni Oenone dahil sa aking pananahimik ngunit isang pilit na ngiti lang ang iginanti ko sa kanya.
Biglang napapitik ng kanyang daliri si Calypso at may kung ano na kinuha sa kanyang mga gamit. Hanggang sa may ilabas siyang dyaryo at todo ngiting inaabot iyon sa akin.
"Prinsesa, kailangan niyo malaman ang malaking balita ngayon!" Malakas niyang sambit at mas inilapit sa akin ang dyaryo na kanyanc hawak.
Kunot noo ko naman kinuha iyon sa kany
