Pagkatapos ang kalahating araw na paglalakbay ay narating na rin namin ang bayan ng Garnetia. Ito ang bayan na nasa may silangan hangganan ng kaharian. Patawid mo lang rito ay mararating mo na ang teritoryo ng kaharian ng Perdona.
Naalala ko noong kaarawan ni Aver na nabanggit nina Marquiss Acrisius ang namumuong away sa pagitan ng kaharian at Perdona. Iyon ay dahil hangarin rin ng panibagong hari ng Perdona na lipulin ang masasamang gawain sa kanyang kaharian at nagkataon na sa kaharian ng Calareta ang pasimuno nito.
Kung magagawa ko lang sana na makausap ang bagong hari ng Perdona para makipagtulungan sa kanya at isuko ang lahat ng mapapatunayan kong mga opisyales na may kinalaman sa masasamang gawain sa kanyang bayan.
Unti unti tumigil ang aming sinasakyan na karwahe sa tapat ng is
