Pagkatapos namin kumain ng agahan ay sinimulan na namin ang paglilibot sa bayan ng Garnetia. Hinati rin ang aming grupo sa tatlo para hindi na rin makakuha ng maraming atensyon dahil sa aming dami.
Bale ako, si Dervis at Frolan ang magkakasama sa isang grupo. Habang sina Blake at Calypso saka sina Oenone, Zion at Gyro naman ang magkakasama.
Naunang umalis sina Blake na sinundan naman ng grupo ni Zion pagkatapos ng limang minuto. Kaya naiwan kaming tatlo at nagkatinginan.
"Saan tayo magtutungo, Prima?" Pagtatanong sa akin ni Frolan. "May nais ka bang puntahan o bisitahin sa iyong bayan na pinagmulan?"
Nilingon ko ang direksyon na pinakanais kong puntahan sa bayan na ito. "A-A-Ah... Ayos lang ba na pumunta tayo ng sementeryo?" Kwesyon ko sa kanila. "Nais ko sana dalawin ang puntod ng aki
