Nang makabawi ako muli nang aking lakas ay naisipan namin na bumalik sa loob ng bayan. Nagkasiyahan pa ang mga mamamayan ng Garnetia nang malaman nila ang pasamantalang pag-urong ng pwersa ng mga Perdona.
Sa ngayon ay mas kailangan ko pagtuunan ng atensyon ang paghuli sa mapagsamantalang opisyales at pigilan ang binabalak nilang kudeta.
"Prinsesa, tatlong buwan lang talaga ang binigay nilang palugit sa inyo?" Hindi makapaniwalang sambit ni Calypso nang ikwento sa kanya ni Frolan ang naging takbo ng aming usapan kay Haring Caelus. "H-Hindi ba masyadong maikli iyon?"
Pinaiwan ko kasi silang mga tagasilbi ko sa bayan. Ayoko na mapahamak sila kung isasama ko sa pagharap sa mga delegasyon ng Perdona. Lalo na walang kasiguraduhan pa ang tagumpay ng pakikipagtalastasan sa kanila.
Biglang bin
