Kagat ang mga labi niyang pumihit patalikod si Annie kay Chester. Pagkatapos ng muli nilang pag-iisa sa kuwarto niya ay mahimbing na itong natutulog. Samantalang siya ay nahihirapan, dala na rin ng sakit sa katawan at sa gitnang bahagi ng kanyang katawan.
Ala-una na ng madaling araw ayon sa orasang nasa side table. Gusto man niyang matulog ay hindi siya gustong dalawin ng antok. Mailap ito ngayon sa kanya.
Mula sa pagkakayakap ng mga kamay ni Chester sa kanyang tiyan ay dahan-dahan niya iyong inalis. Bumangon siya at kahit na nakaramdam ng sakit at panlalambot ng tuhod ay minabuti niyang lumabas papuntang kusina.
Nagsuot muna siya ng t-shirt at panty at inayos ang kumot sa katawang hubad ni Chester bago tuluyang lumabas.
Nagtimpla siya ng kape. Maingat na naupo. Napalingon siya sa laba
