Wala pang tatlumpo't minuto ay narating na ni Annie ang condo unit ni Chester. Hindi na niya kailangan pang kumatok dahil nakaabang na sa kanya ang anak sa may pinto.
"Ang papa mo?" tanong niyang labis na nag-aalala.
"Nasa loob po, ma..." Agad niyang itinulak ang pinto at nagmamadaling pumasok. "Ma, sandali," pigil ng anak ngunit hindi na niya pinansin ito. Gusto niyang malaman ang kalagayan ni Chester.
Malamang ay nagkasakit na naman ito. Naulanan ito kagabi at sigurado siyang nakadagdag pa ang trauma nito sa ulan. Ganoon naman ang lalaki kahit noon pa. Napakasakitin.
"Ches...ter."
Napatigil siya sa paglapit nang makita niyang hindi nag-iisa si Chester sa loob ng kuwarto. May babaeng nakasampa sa kama nito habang binibihisan ang lalaki. Hubad na ng damit si Chester dahil nagkalat a
