Mabilis na umibis si Chester sa kanyang sasakyan. Naihatid na niya ang anak sa kaibigan at ngayon nga ay mabilis pa sa alas kuwarto siyang bumalik agad para makausap si Annie.
Kanina ay halata na niyang maraming dahilan si Annie at nagdahilan pa noong ihahatid na nila si Lexter kaya hindi na ito sumama pa.
Mabilis niyang tinungo ang pinto at nadismaya nang pagpihit sa seradura ay naka-lock iyon. Sinubukan pa niya ulit pero naka-lock talaga.
"Annie!" Gigil na tawag niya sa pangalan ng babae habang kinakalampag na ang pinto sa bahay nito. Makailang kalampag siya ngunit walang Annie roon.
"Naku, pogi. Wala riyan si Aning-Annie. Nakita ko kanina na umalis," ika ng kapitbahay nitong bigla na lamang sumulpot at nakatunghay sa kanya mula sa bakuran nito. Nakapagitan ang kahoy na bakod.
Lalo
