Pumuslit si Annie pauwi. Hindi sa bahay nila Chester kundi sa bahay niya. Hinayaan niyang bukas ang mga ilaw sa shop at binihisan pa niya ang isang manikin at pinaupo para kunwaring siya iyon para at hindi pagdudahan ang pag-alis niya.
Ngayon nga ay lulan na siya ng kotse ni Alex na nakakaparada sa likod ng kanilang shop. Hindi siya napansin ng mga tauhan ng mga Lee dahil maging siya ay nagbalat kayo. Kahit na dumaan siya sa kinaroroonan ng mga ito ay hindi siya makilala. Naglagay siya ng salamin sa mata na props minsan ng manikin nila at wig sa buhok.
Nang medyo malayo na siya ay tinanggal niya iyon at tinahak ang pauwi sa bahay niya.
Kasabay ng paglalakbay ay ang paglalakbay ng isip niya sa mga senaryong nangyari at kung ano nga ba ang nagawa niya sa mga taong iyon. Kung siya ba talag
