"Ma, Pa," ulit pa ni Lexter at tumakbo sa kanilang dalawa ni Chester. Una siyang niyakap nito bago ang ama na nasa likuran niya. Nagpakarga pa ito kay Chester pagkatapos.
"Let's go," ika ni Chester na bigla siyang inakbayan. Pasimple niyang ginagalaw ang balikat upang tanggalin ang kamay nito ngunit mas lalo siyang hinila palapit sa katawan nito.
"Nakatingin ang mga empleyado. Please, don't give them a bad impression," bulong nito.
Pasimple siyang napalingon sa kanyang likod. Tama nga ito, pasimpleng nakaisilip ang mga trabahador nila Chester. Mapababae man o lalaki ay nakamasid sa kanila.
Umismid siya at bumulong din. "Mga kamag-anak ni Marites mga trabahador ninyo," ika niyang in-enjoy na lamang ang pagkakaakbay nito. Nasamyo na naman niya kasi ang mabangong amoy ng lalaki. Adik na
