"Search everywhere," wika ni General Carillo sa mga tauhan. May warrant of arrest silang dala upang halughugin ang bahay ni Kelvin at iba pang ari-arian nito. Wala silang inaksayang oras para matunton ang kinaroroonan ni Annie.
Si Chester naman ay tinungo ang kulungan kung saan naroon ang ina-inahan at si Gelly. Nagbabakasakaling mabigyan siya ng kasagutan kung nasaan si Annie. Pagod na pagod na siyang makipaglaro sa mga ito.
"Saan dinala ng anak mo si Annie?" tanong niya sa ina-inahan na hindi na nagpaligoy-ligoy pa.
"Anong pinagsasabi mo? Nababaliw ka na ba, Chester? Nabaliw ka na rin dahil sa babaeng iyon?!" ika nitong umismid pa sa kanya. Walang balak na sagutin siya.
Napatayo siya at nahampas ang mesang namamagitan sa kanila. Wala siyang pakialam kung may pulis na nakabantay o
