ABALA si Cathellya sa pagtulong sa pagpa-pack ng relief goods para sa mga nasalanta ng bagyo sa Visayas at Mindanao. Labis siyang napapasalamat na kaagad na nagpadala ng supplies ang mga tinawagan niyang kompanya. Marami pa silang naka-stock na bigas galing ng hacienda ngunit muling nagpadala si Kuya Dudes.
“Cathellya!”
Natigil siya sa pagbubukas ng isang kahon ng sardinas nang marinig niya ang galit na tinig ni Celine. Halos sabay-sabay na napatingin ang mga volunteer dito.
Hindi nito pinansin ang mga nakatingin at nilapitan siya. Galit na galit ito. “What are you doing here? God, I’ve been calling you for ages. Hindi ka man lang sumasagot. What is your problem?”
“May mga nasalanta ng bagyo, Celine,” aniya habang salubong ang mga kilay. Hindi niya maintindihan kung bakit ito nagkakaga
