HINDI pa rin maintindihan ni Cathellya kung bakit sumama pa siya kina Seth at Celine sa pagpunta sa ob-gyn. Schedule ng unang checkup ni Celine at kinulit nito nang kinulit si Seth upang sumama. Sa palagay niya ay tuluyan nang natanggap ni Seth ang pagkakaroon nito ng anak kaya napilit ito ni Celine. She could see how scared he was. Ngunit alam rin niya na may nakatagong excitement sa kaibuturan nito.
He asked her to come. Tumanggi siya ngunit nagpumilit ito. “I need you to hold my hand.” Tila natunaw ang puso niya at wala na siyang nagawa kundi ang sumama.
Nang sunduin nila si Celine sa bahay ng mga ito ay nagulat at nagtaka ito nang makita siya sa passenger’s seat. Tila masama ang loob nitong pumuwesto sa backseat ng sasakyan. Kaagad siyang naawa sa kaibigan niya.
“Carry this for me,
