Dahil kay King
NAGING matamlay si Rennie matapos ang pag-uusap nilang iyon ng kaibigang si Emmari.
Halos hindi nito hinihiwalayan ang anak-anakang si King. Yakap-yakap, karga-karga. Maging sa pagtulog ay walang kasawaang pinagmamasdan ang mukha ng batang may malaking bahagi sa kanyang buhay. Ang batang pinag-ukulan niya ng napakaraming panahon. Pinagbuhusan ng buong pusong pagmamahal at isinama sa pagbuo ng kanyang mga pangarap.
"Alam mo anak, ikaw ang dahilan kung bakit kahit paguuuud na pagod man ako ay okey pa rin. Kung bakit kahit mag-isa lang ay masaya pa rin ako. Sa iyo umiikot ang buhay ko. Mahal na mahal kita, alam mo naman 'yon, 'di ba anak? Kahit tayong dalawa lang masaya pa rin tayo, 'di ba? Huwag mo akong iiwan ha. Please, huwag mong iiwan ang Mommy.", umiiyak na sabi ni Ren
