-=Brielle's Point of View=-
Halos hindi ako nakatulog ng maayos kagabi, kaya naman inaantok akong pumasok sa trabaho, naabutan ko naman si Jacqueline na mas nauna pa sa aking dumating.
"Good morning." humihikab na bati ko dito. Hindi ko naman maiwasang mapangiti sa nakikita kong sigla nito sa trabaho, mukhang hindi talaga ako nagkamali na irekomenda ito kay Ate Glenda.
"Good morning din Brielle, mukhang hindi ka nakatulog ng maayos ah." narinig kong sinabi nito.
Muli namang nagbalik sa akin ang nangyari kahapon, at muli ay nakaramdam ako ng pangliliit sa sarili ko.
Mukhang malabo talaga ang tungkol sa amin ni Ethan, dahil maliban sa agwat ng estado ng buhay namin ay hindi ko pa din maalis sa isip ko ang naturang babae.
Oo nga at sinabi ni Ethan na hindi nito girlfriend ang babaeng iy
