-=Michael Ethan's Point of View=-
"Good morning Sir Ethan, nasend ko na po sa inyo ang impormasyon sa taong pinapahanap ninyo." ang unang balitang bumungad sa akin ng umagang iyon.
Kasalukuyan kasing nasa Cebu ako para daluhan ang isang business meeting sa isa naming kliyente na nakabase sa Cebu, bandang hapon pa naman iyon kaya naman nasa suite ko pa ako nang matanggap ko ang tawag na iyon ni Bernard.
Dali dali kong chineck ang email ko at nakita ko nga doon ang message na sinend nito. Agad kong tinapos ang tawag na iyon at agad pinagtuunan nang pansin ang impormasyon na pinadala nito.
Sobrang lakas ng kabog ng dibdib ko nang mga oras na iyon, matapos ang labing pitong taon ay malalaman ko na din ang impormasyon nang taong iyon.
Nang makita ko ang larawan na kasama sa email ay tuluya
