Kinagabihan nga ay isang malaking pagtitipon ang ginanap sa malawak na hardin ng Floridablanca. Sa tantya ni Aliah ay aabot sa mahigit tatlumpu ang taong naroroon ngayon. Lahat ay masaya at may kanya-kanyang kausap. Naalala niya ang sinabi ni Calyx na tanging mga taong may taglay na kakaibang kapangyarihan lamang ang nakakapasok sa loob ng Floridablanca. Pero sa tingin naman niya ay normal ang lahat ng taong naroroon.
Kunsabagay, si Luna nga ay hindi niya inakalang may kakayahan palang kontrolin ang galaw ng isang tao.
Babalik na lang sana siya sa kwarto niya nang biglang sumulpot sa harapan niya si Calyx.
“Kanina pa kita hinihintay na lumabas.” Hinila siya nito papunta sa isang mesa na walang nakaupong bisita.
“Parang may mali sa party na ‘to, Calyx,” sambit niya. “Bakit magpapapa-p
