Inihinto ni Yuri ang Terrano niya sa harap ng isang malaki at napakataas na itim na gate. Nasa harapan na siya ng Floridablanca. Pipindutin na sana niya ang doorbell nang bigla namang bumukas ang malaking gate at iniluwa noon si Luna na sakay ng bagong bagong Toyota Wigo. Nakababa ang salamin nito sa driver’s seat kaya mabilis siyang namataan nito.
“Yuri? Oh, my God! You’re back!” masayang pagsalubong sa kanya ng kababata. Mabilis itong nakaibis sa sasakyan at mahigpit siyang niyakap.
“Kumusta ka na?” tanong niya.
“I’m good. Ikaw, kumusta ka? Bakit ngayon ka lang ulit nagpakita after how many years?”
“I’m also good. Nandyan ba si Lola Yngrid?”
“Kaaalis lang niya, pero maya-maya lang ay siguradong nandito na rin iyon. Halika, pumasok muna tayo at marami akong tanong sa’yo, like bakit
