Si Cliff.
Nagmadaling tinakbo ni Elyse ang hagdan paakyat sa cabin. At nang marating ang maliit na balkonahe ay doon na niya nakitang sarado ang pinto ng bahay. Sinubukan niyang tawagin si Cliff pero walang sumasagot. Kaya naman hindi na siya nagdalawang isip na iangat ang paso ng bulaklak roon at kunin ang susi sa ilalim. Laking tuwa niya nang mayroon ngang susi!
Pagkabukas ng pinto ay agad inikot ni Elyse ang mga mata. Wala si Cliff. Walang tao roon. Pero hindi agad siya sumuko. Pumasok siya sa sikretong daan pababa sa basement pero ganoon na lang ang panlulumo niya nang makitang walang tao roon. Wala na rin ang noo’y mga nakadikit na larawan sa cork board. Malamang ay tinapon na iyon ni Cliff dahil tapos na ang kaso. Nahuli na ang mga salarin.
