Mabilis kong ibinalik ang cellphone ni Dwayne sa bedside table nang gumalaw siya.
"Ang aga pa. Bakit gising ka na?" tanong niya sa inaantok na boses.
Humugot ako ng malalim na hininga saka iyon dahan-dahan na ibinuga, bago ako lumingon sa kan'ya.
Ngumiti siya sa akin. Tinapik niya ang kama. "Matulog pa tayo."
Ngumiti rin ako ng pilit sa kan'ya, at saka nahiga sa kan'yang tabi. Niyakap ako ni Dwayne at isiniksik niya ang mukha niya sa leeg ko.
Ilang oras na ang lumipas pero hindi na ako nakabalik sa pagtulog. Alas sais nang nagising si Seth. Agad akong bumangon at ipinagtimpla siya ng gatas, saka ko hinintay na makabalik siya sa pagtulog.
Hindi mawala-wala sa utak ko ang mga nabasa ko. Pilit kong kinakapa ang sakit pero hindi ko mahanap. Tila namanhid na ang puso ko.
Nang nakatulog u
