Natigilan ang lahat ng empleyado ng Blaise Corporation dahil sa pagpasok ni Asher sa entrance ng lobby habang nakasunod sa likuran nito ang kanyang mga tauhan. Ngunit, ang mas nakaagaw sa atensyon ng lahat ay ang seryosong mukha ng binata. Madilim ang awra nito na wari mo ay galǐt. Mabigat ang bawat hakbang ng kanyang mga paa na pumasok sa loob ng elevator. Dahil ngayong araw ay puputulin na niya ang ugnayan nila ng pamilyang Tucker. At marahil ay ito na ang huling pagkakataon na tatapak pa ang kanyang mga paa sa kumpanyang ito.
Desidido na siyang burahin sa kanyang buhay ang dalagang si Wesley. Dahil sa kanyang paniniwala na ginamit lang siya nito at hindi lang siya ang lalaki sa buhay ni Wesley. Tuluyan ng nasira ang tiwala niya sa mga babae. Hindi niya alam kung paano pa bu-buuin ang
