"Ate," pigil ni Janice.
"May mali ba sa sinabi ko?" mataray na salansala ni Beth, at naging mas matalas pa ang tingin sa dalaga.
Sa katahimikan ay mas lalo pang nakaramdam si Nihan ng kahihiyan. Isa-isa niyang tinapunan ng tingin ang bawat mukha ng kamag-anak.
Sapat na ang mga reaksyon nito para malaman niyang galit, at puno iyon ng panghuhusga.
"T-tita."
"Bakit, dahil isang taon na ang nakalipas? Akala mo makalilimutan na ng lahat ang ginawa mo?" patuloy na panunuya nito.
Pigil ang paglukot ng mukha ni Nihan nang umiling. Alam niyang sa oras na kumisap ang mga mata niya ay lalabas na ang mga luha niya.
"Then why are you here?"
"Ate Beth, puwede bang kumain na lamang tayo?" paglilihis ni Janice nang usapin.
"Janice, huwag mo ng kunsintihin 'yang bunso mo. Kaya lumalaking suwail e
