THIRD PERSON POV
Agad namang pumunta sina Darna at Mutya sa kwarto ni Darna sa bar. Pagpasok pa lang, naupo si Mutya sa gilid ng kama habang si Darna ay abala sa pag-aayos ng gamit at mga damit sa kwarto. Ramdam ni Mutya ang bigat sa dibdib niya, halo ng kaba, lungkot, at pananabik. Ngunit ramdam din niya ang kapanatagan sa presensya ni Darna, parang siya lang ang nakakaintindi sa lahat ng pinagdadaanan niya.
Tumango si Mutya at huminga ng malalim bago bumulong, “Darna… pakisuyo, ikaw na lang ang magpadala ng pera kay Lola Maria Usep sa Mindanao. Gusto ko lang malaman niya na okay ako.”
“Oh honey, charot charizz, syempre, girl! Ako na bahala d’yan, relax ka lang. Mas mabilis pa kayang makarating sa kanya kaysa sa’yo. Charot!” sagot ni Darna, halatang bakla ang boses at punô ng energy.
