Nagising ako na masakit ang aking ulo. Sinapo ko iyon at pilit na iminulat ang aking mga mata. Ano ang nangyari? Wala akong maalala sa nangyari kagabi. Ang alam ko lang—matapos ang gig namin—ay pumunta ako sa isang bar. Doon ay nilunod ko ang sarili ko sa alak.
Mula noong nalaman ko na engage na si Stephanie ay bigla akong nawalan ng direksyon sa buhay. Pakiramdam ko ay para akong biglang nawalan ng pag-asa.
Umasa ako na magiging maayos pa rin kami kahit imposible.
Ngayon? Wala na.
Inilibot ko ang aking paningin sa paligid. May kaunting liwanag na pumapasok galing sa salamin mula sa bintana sa may ulunan namin. Napabuntonghininga ako at muling pinikit ang mga mata. Kagaya ng mga nakalipas na araw ay nagising na naman ako sa isang hotel room. Napailing ako sa aking sitwasyon.
Hind
