"Ano ba ang pinaggagagawa mo, Shanra? Bakit nakita ko sa balita na may pinatay ka na hindi naman kasama sa mission mo?" galit na salubong sa akin ni Ninong Eddie pagkapasok ko sa loob ng opisina niya. Tinawagan niya kasi ako dahil magkakaroon daw kami ng emergency meeting. Hindi lang siya ang nasa loob ng kanyang opisina kundi pati na rin sina Denver, Henry, Tom at iba pang miyembro ng BAS. Hindi ko tuloy maiwasang magtaka kung para saan ang meeting at tila nag-aalala si Ninong.
"Naningil lamang ako ng may utang sa akin, Ninong," seryoso ang mukha na sagot ko sa kanya. Naupo ako sa bakanteng upuan na katabi ni Tom at hindi ko pinansin ang galit sa mukha ni Ninong.
"Naniningil ka ng taong may utang sa'yo samantalang ang isa mong kasamahan ay nasa loob ngayon ng kulungan!" galit na sigaw n
