Lihim kong hinihiling na sana ay wala na sa loob ng presinto si Craig kung saan nakakulong si Juni. Ipinag-utos sa amin ni Ninong na patayin ang lahat ng mga pulis na nasa loob ng presinto na madaratnan namin. Hindi ko tuloy maiwasang kabahan habang hinihintay ang oras ng aming pagsalakay. Sa unang pagkakataon ay nakaramdam ako ng kaba sa mangyayaring laban sa pagitan ng BAS assassins at mga pulis. Ayokong magkaharap kami ni Craig at ayokong mapahamak siya ng dahil sa akin.
"Relax, Shanra. Hindi ba tinawagan mo na si Craig para mailayo siya sa presinto? Kaya natitiyak ko na wala na siya ngayon sa loob ng presinto na iyan," kausap sa akin ni Tom habang nakatingin sa police station na balak naming salakayin. Ang iba naming mga kasamahan ay nakapuwesto na rin. May nagpapanggap na basurero na
