“Thank you po sa inyo, Sir.” Nakangiting saad ko matapos abutin ang sahod ko. Alas kwartro pa lang ng hapon ay ibinigay na niya ang sahod ko dahil ngayon na ang huling araw ko sa trabaho.
“Pwede kang bumalik rito kung sakali na gustuhin mo ulit na magtrabaho. ‘Wag mo nang tapusin ang shift mo ngayon, pwede ka nang umuwi.”
Tumango ako. “Talaga po? Maraming salamat po.” Masayang saad ko, dahil sa totoo lang ay medyo hindi maganda ang pakiramdam ko simula pa kagabi.
Tumango lang siya at hinayaan na akong mag-ayos ng gamit ko. Kahit na isang buwan lang ang itinagal ko rito ay na-enjoy ko ng sobra ang pagtatrabaho rito, oo nakakapagod pero masaya dahil mababait ang mga kasama ko kaya hindi ako nagsisisi na nag part time job ako.
“Aalis ka na?” malungkot na tanong ni Mia nang madaan ako
