"How was your room, Angel? Did you sleep well?" tanong sa kanya ni Nathan habang kumakain sila ng agahan.
Nasa hapag na din sina Lance at Ken. Ang high chair na kinauupuan ni Ken ay nasa pagitan nina Kaye at Nathan. Si Lance naman ay nakaupo sa kanang bahagi ni Nathan at katabi niya.
Agad siyang tumango. "I love the room! Thank you po sa pagpapa-ayos, Tita," ngumiti siya kay Kaye.
Kahapon kasi habang magkakasama sila, naulinigan niya ang pagkausap sa cellphone ng maybahay ni Nathan sa kawaksi nito at pinapaayos ang kuwartong tutuluyan niya. Kaya pagdating nila sa bahay ng mga ito ay maayos na ang tutulugan niya. Bagong palit ang kurtina, ganoon din ang bedsheets dahil naaamoy pa niya ang mabining amoy ng fabric softener nang makahiga siya. Kulay puti at cream ang pintura ng b
