ONE NIGHT ENCOUNTER 21: VACATION LEAVE
Madilim na ang buong kalangitan sa ilabas ng malaking salamin sa aking harapan, ang mga katabing mga establishemento ay isa-isa na din nagbubukas ng mga ilaw na nagsisilbing liwanag mula sa loob nito, sabayan pa ng mga sasakyan na nag-uumpisa ng sumikip dahil sa patuloy na pagdagsa ng mga tao at mga sasakyan sa kalsada na nagiging dahilan din kung bakit mas pinipili na lamang ng iba ang maglakad.
“Mag-oovertime ka ngayong araw?” tanong ni Lyca sa akin habang nagliligpit ng kanyang mga gamit sa pag-uwi.
Tumango ako sa kanya, “Wala naman akong ibang gagawin sa bahay at isa pa, hindi pa ‘ko napapagod.” Tugon ko na hindi inaalis ang aking tingin sa aking trabaho, “Kung maaga din ako uuwi ay ganong oras pa din naman ako makakarating sa apartment dahil s
