ONE NIGHT ENCOUNTER 30
Tingin dito, tingin doon, bulong dito, at bulungan doon. Hindi pa man ako nakakapasok sa loob ng kompanya ay hindi na mawala ang mga matatalas at mapanghusga na tingin ng karamihan sa akin. Hindi na ‘ko magtataka sa bagay na ‘yon, naging kalat sa lahat department ang nangyaring gulo kahapon at pagkatanggal ni Bhea. Inaasahan ko na din naman ‘to pero iba naman ang tingin na ibinibigay nila ngayon.
“Bagay lang din naman sa kanya iyon ‘no! Ang sabi sa akin ng kaibigan ko sa department nila ay masama daw talaga ang ugali non. Kung makaasta nga daw ay akala mo kung sino kaya dapat lang na matanggal siya sa trabaho.” Sabi ng babae sa aking harapan na tila hindi pa nararamdaman ang aking presensya sa kanilang likod.
“Oo nga, marami nga daw na nagsasabi na mattitude daw ‘
