ONE NIGHT ENCOUNTER 23.2
Nakakunot ang aking noo habang nakatingin sa kamay namin ni Eros na magkahawak. Kanina niya pa ‘to hindi binibitawan, namamawis na din ang aking palad dahil sa higpit ng kanyang pagkahahawak, at isabay na din ang kanyang ngiti na hindi mawala sa kanyang labi pakiramdam ko ay kaunting na lamang ng hangin ay mapupunit na ang kanyang mukha.
“Wala ka ba talagang balak na bitawan ang kamay ko?” tanong ko sa kanya habang nakangiwi.
“Hindi na, pati ikaw ay hindi ko na bibitawan.” Sagot niya sa akin at mas lalo pang hinigpitan ang kanyang pagkakahawak.
Natawa naman ako sa kanyang sinabi bago pilit na tinatanggal ang aking kamay pero mas lalo niya lamang hinihigpitan ang kanyang pagkakahawak. Napabuntong hininga na lamang ako bago masama ang tingin na ipinukol sa kanya.
