[ H U L I K A ]
KULANG-kulang trenta minutos din ang nilakbay ni Farrah at Rio hanggang sa makarating sa bahay ng binata sa Parañaque. Halos wala silang kibo sa isa't isa, nandoon pa rin kasi sa puso ng dalaga ang kaba sa 'di inaasahang masusuway niya si Paulo sa unang pagkakataon sa relasyong mayroon sa kanilang dalawa.
Tulad ng inaasahan ni Farrah, nasa maayos na ang lahat ng kagamitan para sa pagdiriwang ng selebrasyon sa pagbabalik ng binata sa bansa.
Pinagbuksan siya ni Rio ng pinto ng maayos silang naka-park sa labas ng bahay nito, halos puno na rin ng ilang mamahaling sasakyan ang labas ng gate ng binata.
"Mukhang late ka na yata sa party mo," aniya kay Rio nang makababa siya.
Inikot ni Farrah ang tingin sa paligid, mailaw ang daan, naglalakihan din ang bahay na katabi at kahar
